Казанда балалар арасында хокук бозуларны профилактикалау мәсьәләләре турында фикер алыштылар
Балигъ булмаганнарны социаль-педагогик реабилитацияләү максатларында һәм “Балигъ булмаганнарның күзәтүчесезлеген һәм хокук бозуларын профилактикалау системасы нигезләре турында” 1999 елның 24 июнендәге 120-ФЗ номерлы Федераль закон нигезендә 16 гыйнварда Н.А. Галләмов исемендәге махсус гомуми белем бирү мәктәбе базасында, Татарстан Республикасы муниципаль берәмлекләренең балигъ булмаганнар эшләре буенча муниципаль комиссияләр вәкилләре, прокуратура һәм судлар катнашында, җәмәгатьчелектә куркыныч эш кылган балигъ булмаганнарны ябык типтагы махсуслаштырылган мәктәпләргә җибәрү турында үтенечнамә белән судка мөрәҗәгать итү өчен материаллар әзерләү буенча актуаль проблемалар темасына Республика түгәрәк өстәле оештырылды.
Түгәрәк өстәлнең модераторы буларак Татарстан Республикасы мәгариф һәм фән министры урынбасары Алсу Асадуллина чыгыш ясады.
Чара тәҗрибә алмашу, суд практикасын анализлау, суд өчен материаллар әзерләгәндә барлыкка килә торган типик хаталарны ачыклау, шулай ук балаларны ябык типтагы махсус укыту-тәрбия учреждениеләренә җибәргәндә аларны җиңеп чыгу юлларын тикшерү өчен мөһим мәйдан булды.