Астрономия: республика һәм региональ этапның нәтиҗәләре сайтта
Олимпиада 14 гыйнвардан 17 гыйнварга кадәр барды, анда Татарстаннан 115 укучы катнашты. Аларның эшләрен астрономия һәм космик геодезия кафедрасы доценты К(П)ФУ, физика-математика фәннәре кандидаты Роман Жучков җитәкчелегендә жюри бәяләде.
Астрономия буенча республика олимпиадасының йомгаклау этабында җиңүчеләр:
Самир Шәһабетдинов (КФУның IT-лицее),
Денис Захаров (131 нче лицей, Казан).
Казандагы 11 укучыга призер дипломнары бирелде.
Астрономия буенча Бөтенроссия олимпиадасының төбәк этабында җиңүчеләр:
Әмир Исрафилов, КФУның IT-лицееның 9 нчы сыйныф укучысы,
Марсель Сәгъдуллин, КФУның IT-лицееның 10 нчы сыйныф укучысы,
Хәким Хәмитов, 2 нче лицей-интернатның 11 нче сыйныф укучысы (Казан).
Казан, Чаллы, Бөгелмә, Югары Ослан, Биектау, Яшел Үзән һәм Лениногорск районнарыннан 26 укучы призер булдылар.
Олимпиаданың республика һәм төбәк этаплары җиңүчеләрен әзерләгән укытучылар Татарстан Республикасы Мәгариф һәм фән министрлыгы грамоталары белән бүләкләнделәр.