Россиянең барлык төбәкләрендә «Ел остасы-2025 » Бөтенроссия конкурсының сайлап алу этабы уза
«Ел остасы» урта һөнәри белем бирү системасының педагогик хезмәткәрләре арасында бөтенроссия конкурсының сайлап алу этабында катнашуга гаризалар алу дәвам итә. “Ел остасы” конкурсын Россия Федерациясе Мәгариф министрлыгы һәм Бөтенроссия мәгариф һөнәр берлеге оештыра. Федераль оператор - Һөнәри белем бирүне үстерү институты.
Көллият һәм техникумнар педагоглары төбәк операторына үзләренең белем бирү оешмалары аша яисә 1 мартка кадәр мөстәкыйль рәвештә заявкалар бирә ала. Конкурсның рәсми сайтында төбәк операторлары исемлеге урнаштырылган.
Сайлап алу этабын уңышлы үткән педагоглар төбәк этабында катнашачак. Аларга төрле биремнәрне үтәргә һәм көллият һәм техникумнар студентларын практик яктан әзерләү буенча методик компетенцияләрне һәм тәҗрибәләрне күрсәтергә кирәк булачак.
Төбәк этабында җиңүче конкурс финалында катнашачак. Финалистлар исемлеге майда билгеле булачак. Финал сынаулары сентябрь ахырында узачак, җиңүченең исеме 2 октябрьдә игълан ителәчәк.
Җиңүче 200 мең сум күләмендә акчалата бүләк алачак һәм Россия Федерациясе мәгариф министрының иҗтимагый башлангычларда киңәшчесе итеп билгеләнәчәк, бу аңа урта һөнәри белем бирү системасын үстерүгә үз өлешен кертергә мөмкинлек бирәчәк.