Химия һәм химия технологияләре буенча «Менделеев токымы» Бөтенроссия олимпиадасы
Татарстанның Менделеевский районы “3 нче Химик-технологик лицей” муниципаль бюджет гомуми белем бирү учреждениесендә укучылар арасында химия һәм химия технологияләре буенча «Менделеев токымы» олимпиадасының йомгаклау этабы уза.
Олимпиада Казан федераль университеты тарафыннан “Аммоний” акционерлык җәмгыяте белән партнерлыкта Татарстан сәнәгать предприятиеләренә кадрлар җәлеп итү буенчаТР Рәисе йөкләмәсе кысаларында уздырыла. Олимпиадага Россия Федерациясе Фән һәм югары белем министрлыгы, Татарстан Республикасы Мәгариф һәм фән министрлыгы, Татарстан Республикасы Фәннәр академиясе, Дәүләт Думасы депутаты Әлфия Гомәр кызы Когогина ярдәм итә.
Олимпиаданың попечителе һәм инициаторы - Троценко Роман Викторович.
2025 елда әлеге Олимпиада икенче тапкыр уздырыла.
Узган ел сайлап алу турында Россиянең 36 төбәгеннән 723 укучы катнашты, шуларның 60 ы финалга узды. Быел катнашучыларның саны 732 кешегә җиткән. 72 укучы финалга үтте (65 кеше катнашачак).
Җиңүчеләр 100 000 сумлык акчалата сертификатлар алачак. Призерлар 30 000 сум. Шулай ук, Казан федераль университетына кергәндә өстәмә баллар алачак. Шулай ук балаларның остазлары да бүләкләнде.