2024 елда "Артек" илнең барлык төбәкләреннән һәм дөньяның 77 иленнән 40 214 бала кабул иткән
2024 елда Халыкара балалар үзәге Россия Федерациясенең 89 субъектыннан һәм 77 чит илдән 40 меңнән артык бала кабул иткән. Бер ел эчендә Идел буе федераль округыннан 6348 укучы артекчы булды: Башкортостан Республикасы - 756, Марий Эл Республикасы - 210, Мордовия Республикасы - 206, Татарстан Республикасы - 620, Удмурт Республикасы - 446, Чуваш Республикасы - 389, Пермь крае - 531, Киров өлкәсе - 286, Түбән Новгород өлкәсе - 693, Оренбург өлкәсе - 440, Пенза өлкәсе - 368, Самара өлкәсе - 631, Саратов өлкәсе - 418, Ульяновск өлкәсе - 254.
Халыкара балалар үзәге директоры Константин Федоренко билгеләп үткәнчә, 2024 елда "Артек" мәгариф, мәдәният, цифрлы икътисад өлкәсендә илкүләм проектларда актив катнашты, шулай ук 2021-2025 елларга үсеш программасын гамәлгә ашыру өстендә эшләде.
«Артек» директоры гаилә кыйммәтләрен һәм традицияләрен ныгытуга игътибарны юнәлтте, бу җәмгыятебезнең, Россия мәдәниятенең нигезе булып тора: «Соңгы берничә йөз елда традицион гаилә кыйммәтләре үзгәрми. “Традицион Россия рухи-әхлакый кыйммәтләрен саклау һәм ныгыту буенча дәүләт сәясәте нигезләрен раслау турында” Россия Федерациясе Президенты Указы белән 17 кыйммәт билгеләнде һәм “Артек” Халыкара балалар үзәге педагоглары эшендә, үзәк программаларында алар барысы да салынган. Әлбәттә, өстенлекләр бар - бу гражданлык, патриотлык, коллективлык, нык гаилә, өлкәннәргә хөрмәт, үзара аңлашу, үзара ярдәмләшү... Вожатыйлар аша, белем бирү программалары һәм технологияләре аша, Ватан өчен традицион булган кыйммәтләрне белү һәм аңлау аша һәр сменада катнашучылар Гаилә елы тематикасына чумачак, - диде "Артек" директоры Константин Федоренко.
Балалар лагерьларының төп эшләре “Артек” оештырылуга 100 ел тулуны бәйрәм итүгә әзерләнүгә һәм уздыруга юнәлдерелгән иде. Балалар үзәгенең юбилеена истәлекле тәңкә, истәлекле аерымлык билгеләренең, айдентиканың иң яхшы дизайнына конкурс үткәрелде.
Балаларны патриотик тәрбияләүгә аерым игътибар бирелде. 15 сменаның һәркайсында артекчылар махсус операциядә катнашучылар белән аралаштылар, фронтка "тәмле" бүләкләр, открыткалар, хатлар җибәрделәр, шулай ук "Без срока давности" проектында катнаштылар.