"Туры сөйләм" проектының ике еллык марафоны тәмамланды
«Казан тернәкләндерү һәм абилитация үзәге» АНО Россия Федерациясе Президенты грантлары фонды ярдәме белән гамәлгә ашырылган «Туры сөйләм» проектының ике еллык марафонын төгәлләде. Татарстан Республикасы Мәгариф һәм фән министрлыгы проектның эксперт һәм мәгълүмат партнеры булады. Министрлык инклюзив белем бирүне үстерүгә зур игътибар бирә һәм үз белемнәре һәм компетенцияләре хисабына инвалид балаларга аларның социаль адаптациясендә ярдәм итүче энтузиастларга ярдәм күрсәтә.
Проектны тормышка ашыру нәтиҗәсендә 50 бала тернәкләндерү буенча уңай нәтиҗә алды: сөйләм һәм аралашу күнекмәләре артты, хәтер һәм игътибар туплау яхшырды, бу балалар һәм аларның гаиләләренең тормыш сыйфатын сизелерлек уңайлатты. “Туры сөйләм” проектында катнашкан. игезәк кызлар Лера һәм Вераның әниләре Эльвира Исмәгыйлева: «Мин үземнең кызларымның логопед Светлана Владимировна Савельева дәресләренә яратып йөрүләрен күрдем, кызлар өйдә күнегүләрне кабатлауны сорыйлар. Алар оялмый башладылар, күңелләре күтәрелеп китте. Мин моның мөмкин булуына ышанмаган идем. Безнең балаларга ярдәм итүчеләрнең барысына да рәхмәт. Без Үзәк хезмәткәрләре белән сөйләмне үстерү буенча дәресләрне дәвам итәчәкбез "-ди.