2025 елның беренче аенда «Ел остасы» конкурсына 3 меңгә якын гариза тапшырганнар

2025 елның 11 феврале, сишәмбе

«Ел остасы» урта һөнәри белем бирү педагоглары арасында Бөтенроссия конкурсының сайлап алу этабының беренче аенда 3 меңгә якын гариза бирелгән. Бүген инде илнең төрле төбәкләреннән 2 800 көллият һәм техникум педагогы төбәк этабында катнашуга дәгъва кыла. Сайлау этабы төбәкләрдә апрельгә кадәр дәвам итәчәк.

«Ел остасы» конкурсы һөнәри осталыкның иң популяр һәм кирәкле конкурслары рәтенә керә. Традиция буенча ул төрле регионнар вәкилләрен берләштерә һәм елдан-ел анда катнашучылар саны арта бара.

Төбәк этаплары нәтиҗәләре буенча 2025 елның маенда финалистлар билгеләнәчәк. Алар үзләренең осталыкларын сентябрь ахырында узачак йомгаклау этабында күрсәтәчәкләр. Җиңүченең исеме 2 октябрьдә - урта һөнәри белем бирү көнендә игълан ителәчәк.