Россия һәм Абхазия мәгариф министрылыклары озак вакытлы хезмәттәшлек программасы турында сөйләштеләр
Россия Федерациясе мәгариф министры Сергей Кравцов Абхазия Республикасы мәгариф министры Инал Габлия белән ике яклы очрашу үткәрде. Видео-конференц-элемтә форматында алар Россия һәм Абхазия мәгариф системаларының үзара хезмәттәшлеге турында фикер алыштылар.
Абхазия Республикасы Мәгариф һәм фән министрлыгы белән Россия Федерациясе Мәгариф министрлыгы арасындагы чараларның уртак планы, аерым алганда, Пятигорскта "Машук" Белем үзәгендә абхаз педагогларының квалификациясен күтәрү программасы үткәрүне күздә тота. Моның белән беррәттән, Россия ягы Абхазия мәгариф системасына ярдәм күрсәтүне һәм абхазия мәктәпләрен компьютер класслары, робот техникасы кабинетлары, интерактив такталарны да кертеп, кирәкле җиһазлар белән тәэмин итүгә ярдәм күрсәтүне дәвам итәчәк.
Моннан тыш, февральдә Россия Абхазиягә авыл мәктәпләре өчен 20 яңа мәктәп автобусы бирде.
Озак сроклы программаны гамәлгә ашыру өчен яклар хезмәттәшлек турында килешүгә кул куярга планлаштыралар.