Балалар һәм яшүсмерләр иҗаты Зур бөтенроссия фестиваленә гаризалар кабул итү башланды

2025 елның 24 феврале, дүшәмбе

Зур Бөтенроссия фестиваленең (шул исәптән сәламәтлеге мөмкинлекләре чикләнгән балалар өчен) сайлап алу турына конкурс материалларын кабул итү һәм катнашучыларны теркәү башланды. Фестивальне оештыручы - Россия Мәгариф министрлыгы, оператор - Бөтенроссия сәнгать иҗаты һәм гуманитар технологияләр үсеше үзәге.

Чара балалар-яшүсмерләр иҗатына ярдәм итү һәм аны үстерү, эстетик тәрбия, балаларны Россия һәм дөнья мәдәнияте һәм сәнгате кыйммәтләренә җәлеп итү максатыннан уздырыла.

Гаризалар 2025 елның 16 мартына кадәр сылтама буенча кабул ителә. Теркәлү алдыннан инструкция һәм фестивальне уздыру турындагы нигезләмә белән танышырга кирәк.

Фестивальнең финалы “Артек” Халыкара балалар үзәгендә 21 июньнән 11 июльгә кадәр булачак.