Су асты роботларын иң яхшы иҗат итүче укучылар арасында МУФҮ(СУНЦ) КАИ лицее укучылары
«КНИТУ-КАИ инженер лицей-интернаты» ның өлкән сыйныф укучылары Алмаз Әхмәтҗанов һәм Искәндәр Кунаков Милли технологик олимпиаданың финал этабында җиңү яуладылар. Алар «Су робот системалары» номинациясенең шәхси зачетында иң яхшылары булды.
Бу профиль буенча йомгаклау ярышлары Ерак Көнчыгыш федераль университеты мәйданчыгында узды. Дүрт көн дәвам иткән финалда бөтен илдән 40 укучы катнашты, өстәвенә конкурста 1 урынга 60 кеше дәгъва итте.
Җиңү казанлыларга дипломнар гына түгел, белем алу өчен өстәмә мөмкинлекләр дә китерде: БДИның 100 баллы яисә Россиянең иң яхшы югары уку йортына сынаулардан башка укырга керү.
Шул ук вакытта КАИ лицее укучылары фәнни ярышларда актив катнашуын дәвам итә. Март ахырында СУНЦ командасы көндәшләре белән Милли технологик олимпиаданың тагын бер трегы - "Пилотсыз авиация системалары" финалында көрәшәчәк.