"Яшь журналист юлы" профиль сменасында катнашуга гаризалар кабул итү башланды
24 марттан 26 мартка кадәр Казан яшьләрен "Яшь журналист юлы" сигезенче профильле күчмә сменасында катнашырга чакыралар. Гаризаларны 13 яшьтән 18 яшькә кадәрге балалар бирә ала.
Яшьләр журналистика нигезләренә өйрәнә, үз медиа-проектлары өстендә эшли һәм өч көнлек мастер-классларда катнаша алачак. Яшүсмерләр шулай ук танылган телевидение алып баручылары, журналистлар, фотографлар һәм блогерлар белән аралашачаклар.
Смена көндез узачак. Катнашучыларга программаны үткәрү урынына үзләренә килергә һәм китәргә кирәк булачак. Туклану каралмаган, әмма балаларга төшке аш вакыты биреләчәк.
Катнашучыларны "Яратам" яшүсмерләр клубында (Короленко урамы, 11а адресы) көтәчәкләр. Гаризаны 17 мартка кадәр бирергә кирәк. Урыннар саны чикләнгән, дип хәбәр иттеләр “Казан балалары” өстәмә һөнәри белем бирү оешмасында.