ТР Яшел Үзән районы бистәләренең берсендә илкүләм проект буенча балалар бакчасы төзиячәкләр

2025 елның 7 марты, җомга

Татарстанның Яшел Үзән муниципаль районының Октябрьский поселогында «Гаиләгә ярдәм» федераль программасы буенча 260 урынга исәпләнгән балалар бакчасы төзелеше башлана.

Генераль подрядчы белән тиешле дәүләт контракты төзелгән. Гомуми мәйданы 3 мең кв. метр булган ике катлы бина төзү күздә тотыла. Физкультура һәм музыка заллары, төркем бүлмәләре, медицина кабинеты, процедура, азык-төлек блогы һәм кер юу бүлмәсе каралган.

“Гаилә” илкүләм проекты яшь һәм күп балалы гаиләләргә ярдәм итү, гаилә кыйммәтләрен үстерү чараларын берләштерүгә юнәлдерелгән. Проектның максаты - балалы гаиләләр санын, шул исәптән күпбалалы гаиләләр санын арттыру.