Менделеевскида «Потомки Менделеева» II Бөтенроссия Олимпиадасына йомгак ясадылар
Менделеевскида химия һәм химия технологияләре буенча II Бөтенроссия Олимпиадасына йомгак ясалды. Катнашу өчен 740 тан артык кеше гариза биргән, көндезге этапка Россиянең 17 төбәгеннән 70 укучы узган. 3 көн дәвамында балалар эксперименталь, теоретик турлар уздылар, аларның нәтиҗәләре буенча Олимпиадада 10 призер, 4 җиңүче һәм бер абсолют җиңүче билгеләнде.
Узган ел титул һәм кадерле статуэтканы Уфада яшәүче Вадим Харисов алган иде. Менделеевскидагы Олимпиададан соң ук ул тагын бер тапкыр Кытайдагы Халыкара Менделеевск Олимпиадасында иң яхшысы исемен раслады.
"Потомки Менделеева" Олимпиадасының приз фонды иң зур фондларның берсе - 1,5 млн сум. Олимпиадада җиңүчеләр һәм призерлар 100 һәм 30 мең сумлык сертификатлар алды, шундый ук бүләкләүләр балаларның остазлары өчен дә каралган.
Олимпиада белем бирү кластерын һәм комплексның кадрлар сәясәтен булдыруда тагын бер баскыч булды, ул химикларны туган җирендә генә түгел, ә бөтен Россия һәм дөньядан иң яхшы потенциаль хезмәткәрләрне җәлеп итә. Олимпиада быел Халыкара булды, анда Беларусь һәм Казахстаннан гариза килгән.