Татарстан командасы «Пилотсыз очу аппаратлары белән идарә итү» конкурсында беренче урынны алды
2025 елның 14 мартында Россиянең яшьләр башкаласы булган Пермь шәһәрендә Идел буе федераль округының мәктәп укучылары арасында X Интеллектуаль олимпиадасының округ этабын ябу тантанасы булды.
Идел буеның барлык төбәкләреннән муниципаль һәм төбәк сайлап алулары нәтиҗәләре буенча иң яхшы 180 укучы 5 дисциплина буенча ярыштылар: «Уйлап табу бурычларын хәл итү», «Робототехника», «Нәрсә? Кайда? Кайчан?" һәм "Пилотсыз очу аппаратлары идарәсе һәм программалаштыру". Катнашучыларның белемнәрен һәм күнекмәләрен һөнәри профильле эксперт комиссияләре бәяләде, аларның составында танылган галимнәр, Россиянең әйдәп баручы югар уку йортлары укытучылары бар иде.
"Нәрсә? Кайда? Кайчан?” интеллектуаль уенда Пермь крае командасы беренче , икенче урында - Татарстан Республикасы командасы, өченчедә - Самара өлкәсе укучылары.
«Пилотсыз очу аппаратлары белән идарә итү» конкурсында Татарстан Республикасы командасы беренче урынны, икенче урынны Түбән Новгород өлкәсе командасы, өченче урынны Оренбург өлкәсе алды.
Әлеге чара “Яшьләр һәм балалар” милли проекты максатларына туры килә.