ТР Рәисе "Дипломатия мәктәп клублары" проектының яңа сезонына старт бирде
ТР Рәисе Рөстәм Миңнеханов «Дипломатия мәктәп клублары» -Беренчеләр Хәрәкәте федераль флагман проектының яңа сезонына старт бирде. Тантана Камал исемендәге театрның яңа бинасында узды.
Дипломатиянең мәктәп клублары - бердәм кыйммәтләр белән берләштерелгән һәм уртак социаль әһәмиятле проектларны һәм акцияләрне гамәлгә ашыручы мәктәп клублары челтәре.
Р.Миңнеханов проектта катнашкан һәм актив гражданлык позициясе өчен Россия һәм чит ил мәктәпләре коллегаларына рәхмәт белдерде.
Рөстәм Миңнеханов билгеләп үткәнчә, Татарстан белән Казан берничә тапкыр халыкара вакыйгалар уздыру урынына әверелде. «Без кунакларга һәрвакыт шат. Безнең республика күпләрне кызыксындырыр дип ышанабыз. Яшьләрне үстерү һәм үз-үзләрен тормышка ашыру өчен шартлар тудыру, инициативаларга ярдәм итү - безнең өстенлекле эшләр. Клубта яңа белем һәм күнекмәләр алырсыз, дуслар табарсыз дип ышанам”, - диде ТР Рәисе.
Быел проектка 20 чит илдән һәм Россиянең төрле төбәкләреннән 200дән артык мәктәп җәлеп ителгән.