Көллияттә максатчан укуга килешүне ничек төзергә: абитуриентлар һәм студентлар өчен мәгълүматлар
Урта һөнәри белем бирү оешмаларында максатчан укытуның яңа механизмы 2024 елдан бирле гамәлдә. Максатчан уку турында мәгълүмат хәзер "Россиядә эш" бердәм цифрлы платформасында урнаштырыла. Нәкъ менә биредә тулаем ил буенча эш бирүчеләрнең тәкъдимнәре белән танышырга һәм максатчан уку үтү өчен регион сайларга мөмкин.
Конкрет студент белән максатчан уку турында килешү төзегән эш бирүчеләр аңа эш урыны бирергә тиеш. Бу чыгарылыш укучысына белгечлек буенча эшкә урнашуны гарантияли һәм белем бирү оешмасында укуны тәмамлаганнан соң эшсез калу куркынычын киметә.
Абитуриентлар "Россиядә эш" порталында максатчан уку турында тәкъдим сайларга, кабул итү кампаниясе кысаларында гаризаны ЕПГУда яисә язма формада бирергә, ә кабул иткәннән соң максатчан уку турында килешү төзергә мөмкин.
Шулай ук көллияттә укучы студентлар да гариза бирә һәм максатчан уку өчен килешү төзи алалар.