Сергей Кравцов: «РФ Мәгариф министрлыгына нигез салу көне - календарьдагы дата гына түгел, ә илебез мәгарифен үстерүдә хәлиткеч адымнар символы ул»
7 ел элек Россия Федерациясе Президентының «Федераль башкарма хакимият органнары структурасы турында» 215 номерлы Указы белән Россия Федерациясе Мәгариф һәм фән министрлыгы РФ Мәгариф министрлыгы һәм РФ фән һәм югары белем министрлыгы итеп үзгәртелде.
Вакыйганың әһәмиятен Россия Мәгариф министрлыгы башлыгы Сергей Кравцов билгеләп үтте. Ул һәр балага сыйфатлы белем бирү һәм ярдәм күрсәтүнең мөһимлеген ассызыклады.
Россия Мәгариф министрлыгы указы нигезендә дәүләт сәясәтен эшләү һәм гамәлгә ашыру, гомуми белем, урта һөнәри белем һәм тиешле өстәмә һөнәри белем бирү өлкәсендә норматив-хокукый җайга салу функцияләре тапшырылды.
Ведомствога шулай ук балаларны һәм өлкәннәрне һөнәри укыту, аларга өстәмә белем бирү, балигъ булмаган гражданнарга карата тәрбия, опека һәм попечительлек, укучыларны социаль яклау мәсьәләләре дә беркетелгән.