Бүген Татарстан чыгарылыш сыйныф укучылары рус теле буенча БДИ тапшыралар
2025 елның 30 маенда рус теле буенча бердәм дәүләт имтиханы уздырыла. Рус теле урта гомуми белем турында аттестат алу һәм югары уку йортларына керү өчен мәҗбүри имтихан булып тора. Аттестат алу өчен минималь бусага 24 балл, ә югары уку йортына укырга керергә теләүчеләр өчен - 40 балл тәшкил итә.
Рус теленнән имтиханны 15258 чыгарылыш сыйныф укучысы, шул исәптән 248 сәламәтлеге чикле кеше тапшырачак.
БДИ уздыру өчен 107 пункт оештырылды, шул исәптән гомуми белем бирү оешмалары базасында 84 ПЭ һәм өйдә 23 ПЭ.
БДИ эшендә 4758 педагогик хезмәткәр катнашуы планлаштырыла. ППЭ аудиторияләрендә онлайн видеокүзәтү оештырылган.
Имтихан 10.00 сәгатьтә башлана.
Рус теле буенча БДИ нәтиҗәсен яхшыртырга теләүчеләр моны 3 июльдә эшли алачак (шул ук вакытта беренче нәтиҗә гамәлдән чыгарылачак).
Физика һәм җәмгыять белеме буенча киләсе БДИ 2025 елның 2 июнендә узачак.