Зур Бөтенроссия балалар һәм яшүсмерләр иҗаты фестиваленең финал туры старт алды
24 июньдә “Артек” Халыкара балалар үзәгендә илнең иң зур иҗади конкурсларының берсе - балалар һәм яшүсмерләр иҗаты Зур бөтенроссия фестиваленең финал туры старт алды. Фестивальнең әлеге этабы Кырымда Россиянең 75 төбәгеннән 275 яшь талантны җыячак һәм тематик смена форматында узачак.
Фестивальнең төбәк этаплары лауреатлары һәм җиңүчеләр финалистлар булдылар. Иҗатның төрле юнәлешләрендә: бу театраль, башкару (вокаль-инструменталь), хореографик, кино, анимация, декоратив-гамәли, рәсем театры, мода театры, медиа, фото, нәфис башкару осталыгы, уен индустриясе, дизайн, техник дизайн, оригиналь жанр. Катнашучылар арасында - сәламәтлек мөмкинлекләре чикләнгән балалар. Инклюзив алым фестивальнең төп бурычларының берсе булып кала.
Фестиваль Россия Федерациясе Мәгариф министрлыгы тарафыннан 2022 елдан бирле уздырыла. Оештыручы- "Прогресс" балаларны һәрьяклап үстерү үзәге. Аның максаты - балалар-яшүсмерләр иҗатына ярдәм итү һәм аны үстерү, эстетик тәрбия, Россия мәдәнияте кыйммәтләренә күнегү, шулай ук махсус белем бирү ихтыяҗлары булган балалар өчен мохит булдыру.
Ел саен сайлап алу турларында бөтен илдән һәм чит илләрдән уннарча мең мәктәп укучысы катнаша. Катнашучылар дүрт этап уза - мәктәп һәм муниципаль, төбәк һәм федераль.
Финал туры тематик смена форматында уздырыла һәм конкурс, мәгариф һәм мәдәни программаларны берләштерә. Ике атна дәвамында катнашучыларны интенсив иҗади үсеш, остазлар белән очрашулар, проект эше һәм мәдәни вакыйгалар көтә.
Программада мәдәни блок аерым урын алып тора: экскурсияләр, күргәзмәләр, кинокүрсәтүләр, иҗади очрашулар һәм сәнгатьнең төрле юнәлешләрен тәкъдим итүче профессионаллар белән мастер-класслар. Фестивальнең финал көннәрендә, 10 һәм 11 июльдә, иҗади проектлар күргәзмәсе һәм бәйрәм гала-концерты узачак.