ТР мәгариф һәм фән министры Илсур Һадиуллинның 2025 елгы чыгарылыш сыйныф укучыларын котлавы
Менә дулкынландыргыч һәм озак көтелгән көн килеп җитте. Артта 11 ел уртак тырышлык, сынау һәм җиңүләр.
Бердәм дәүләт имтиханында сезнең нәтиҗәләрегез аеруча куандыра. Бу казанышлар - сезнең тырыш хезмәтегез һәм камиллеккә омтылуыгыз өчен лаеклы бүләк.
Укытучыларга - үз эшенең чын остазларына һәм профессионалларына ихлас рәхмәтемне белдерәсем килә. Алар һәрберегезгә белем генә түгел, бар күңелләрен дә салдылар, авыр вакытларда ярдәм иттеләр һәм сезнең уңышка ышандылар. Хөрмәтле укытучылар, сезнең игелекле хезмәтегез һәрвакыт канәгатьлек китерсен, ә укучылар сезне үзләренең уңышлары белән шатландырсын!
Әти-әниләргә аерым рәхмәт сүзләре җиткерәм. Нәкъ менә сез үз балаларыгызга әхлакый кыйммәтләр фундаментын салдыгыз, белемгә мәхәббәт тәрбияләдегез һәм аларны адым саен хупладыгыз. Сезнең ышаныч алар өчен ышанычлы терәк булды. Түземлелегегез, зирәклегегез һәм яшь буынны тәрбияләүгә бәяләп бетергесез өлеш керткәнегез өчен рәхмәт!
Кадерле укучылар! Сезнең алда зур мөмкинлекләр дөньясына ишекләр ачыла. Сезнең һәрберегез тормышта үз сәләтен һәм урынын тапсын. Кыенлыклардан курыкмагыз - алар холыкны чыныктыра. Уңышсызлыклар булганда кулларыгызны төшермәгез - алар үҗәтлеккә өйрәтә. Үзегезгә һәм үз көчегезгә ышаныгыз - бу уңышның нигезе.
Сезнең барлык хыялларыгыз чынга ашсын!
Хәерле юллар!