Чаллының 30 нчы мәктәп укытучысы БДИ буенча рекорд өчен 200 мең сум алды
Чаллы хакимияте бинасында БДИда 100 балл җыйган чыгарылыш сыйныф укучылары, аларның укытучылары һәм мәктәп директорларының шәһәр мэры Наил Мәһдиев белән очрашуы узды. Бу традицион чара чыгарылыш укучыларының гына түгел, ә югары нәтиҗәләргә ирешергә ярдәм иткән педагогларның да хезмәтләрен бәяләү.
Имтихан бирү кампаниясенең беренчел нәтиҗәләре буенча Чаллының 34 унберенче сыйныф укучысы иң югары балл алган. Иң күбе химия буенча: 23 кеше (узган ел алар нибары биш кенә иде), әдәбият буенча - алты, информатика буенча - өч, рус теле буенча - ике.
100 балл җыйган һәр укучыга 10 мең сум күләмендә акчалата премия тапшырылды. Остазлар да бүләксез калмады - әзерләнгән йөз баллчылар санына карап, бүләкләү күләме 50,5 дән 200 мең сумга кадәр тәшкил итте.
30 нчы мәктәпнең химия укытучысы Ольга Калинкинаның җиде укучысы БДИда 100 балл алды.