Чаллының 34 чыгарылыш сыйныф укучысы БДИ буенча 100 балл алды
Киңәшмәдә БДИ-2025 нәтиҗәләре турында мәгариф идарәсе башлыгы Рөстәм Хуҗин сөйләде. Быел унберенче сыйныф укучыларының имтиханнарын кабул итү җиде мәгариф учреждениесе базасында оештырылган (№ 6, 11, 14, 34, 37, 42, 53). Имтиханнарны үткәрү процедурасы буенча кисәтүләр һәм хокук бозулар юк.
Имтиханнар тапшыру өчен сайланган предметларга анализ күрсәткәнчә, элеккечә чыгарылыш укучылары арасында җәмгыять белеме (686 кеше), информатика (456 кеше), биология (336 кеше), чит телләр (299 кеше), физика (296 кеше) популыр булган.
Яхшы билгесенә генә аттесстат һәм I һәм II дәрәҗә “Укудагы аерым уңышлары өчен” медале белән Чаллының 424 чыгарылыш укучысы бүләкләнде.
Чаллы мәгариф системасының горурлыгы - 34 йөз балл җыючы (химия буенча - 23, әдәбият буенча - 6, информатика буенча - 3, рус теле буенча - 2).
Барлык чыгарылыш укучыларының чиреге нәтиҗәләрдә югары балл алды (80 һәм югарырак).
Ел саен шәһәр мэрының БДИда иң югары балл алган чыгарылыш укучылары белән очрашуы уза. Шулай итеп, 1 июльдә Наил Мәһдиевнең максималь балл җыйган чыгарылыш укучылары, педагоглар һәм мәктәп җитәкчеләре белән тантаналы очрашуы планлаштырыла. Чарада катнашучыларның барысы да акчалата премияләр алачак: чыгарылыш сыйныф укучылары 10 мең сум, йөз балл җыючы әзерләнгән укытучылар чыгарылыш укучылар санына карап ике окладтан һәм югарырак (50,5 мең сумнан 200 мең сумга кадәр) алачак.