Сергей Кравцов: «Быел 85 ел тула торган СПО системасы - Россия икътисадының локомотивы»
Калугада Россия урта һөнәри белем бирү системасының 85 еллыгына багышланган СПО форумы үз эшен башлады. Ул сәнәгать компетенцияләре буенча «Профессионаллар» чемпионаты финалының эшлекле программасы кысаларында уза. Форумның магистраль темасы - "СПО - ил икътисадының локомотивы".
Урта һөнәри белем форумы 29 августка кадәр Калугада һөнәри белем бирү буенча Федераль технопарк мәйданчыгында берничә трек буенча узачак: «Мәгарифтә лидерлык» (ил икътисады үсешендә урта һөнәри белемнең роле турында фикер алышу), «Технологик суверенитетка юл» (ил икътисады өчен тармак кадрларын әзерләү), «Карарлар платформасы: эчтәлеге һәм сыйфаты» (төп белем бирү проектлары һәм бурычлары, иң яхшы практика), «Навигация: тәҗрибә, осталык, талант» (үсеш һәм үз-үзеңне тормышка ашыру өчен мөмкинлекләр, һөнәри осталык формалаштыру), «Трансбелемнәр» (мәгариф өлкәсендә халыкара тәҗрибә алмашу), «Яшьләр экспрессы».
Урта һөнәри белем бирү форумы чараларының программасы белән сылтама буенча танышырга мөмкин, чаралар трансляциясе форум сайтында һәм «ВКонтакте» социаль челтәрендә «Профессионаллар» һөнәри осталык буенча Бөтенроссия чемпионаты хәрәкәтенең рәсми битендә гамәлгә ашырыла.