И.Метшин: "Бер параллельдә 400 беренче сыйныф укучысы - безнең өчен гадәти күренеши һәм безне шундый "бэби-бум" сөендерә
1 сентябрьдә мәктәпләрдә 17 мең беренче сыйныф укучысы өчен беренче тапкыр кыңгырау яңгыраячак. Беренче сыйныф укучылары саны буенча 184 нче гимназия лидер - биредә 423 бала укый башлаячак, 185 нче лицейда 351 укучы. 83 нче, 182, 186 нчы лицейларда һәм 107 нче гимназиядә 10 шар беренче сыйныф ачылды. Быел уку елында парталар артына 181 мең бала утырачак. Белем көнендә иң кече сыйныф укучыларын Казан мэриясеннән традицион бүләкләр көтә. Беренче сыйныф укучылары "Игелекле эшләр көндәлекләре" һәм яктылык кайтаргыч элементлар алачак, ә икенче сыйныф укучыларына "Яшь эколог көндәлекләре" тапшырылачак. Бу хакта бүген шәһәр башкарма комитетында эшлекле дүшәмбедә Казан мәгариф идарәсе башлыгы Ирек Ризванов хәбәр итте.
Шәһәр башлыгы шулай ук яңа эшли башлаучы укытучыларга игътибар юнәлтте: «Югары уку йортын тәмамлаганнан соң беренче тапкыр мәктәп бусагасын атлап керүче яшь укытучыларга игътибар итү аеруча мөһим. Аларның һәрберсенең үз остазы булырга тиеш".
Казан мэры мәктәпләрдә куркынычсызлыкка зур игътибар бирергә кушты.
Ирек Ризванов ата-аналарын уку елы башында балаларга ярдәм күрсәтергә чакырды.