Казан балалар бакчаларында өч яшькә кадәрге балалар саны 2,5 тапкырга диярлек арткан

2025 елның 27 августы, чәршәмбе

Казанда илкүләм проектлар ярдәмендә өч яшькә кадәрге балалар бакчаларында төркемнәр челтәре киңәя. Әгәр 2019 елда 3,8 мең бала килгән булса, бүген - 9 меңнән артык. Шулай итеп, балалар бакчаларында нәни балалар саны 2,5 тапкырга диярлек арткан. Иң кечкенә , 1-2 яшьлек балаларга аерым игътибар бирелә. Бу хакта укытучыларның август конференциясендә Казан мәгариф идарәсе җитәкчесе Ирек Ризванов хәбәр итте.

2022 елдан башлап Казанның мәктәпкәчә учреждениеләрендә 720 урынга 51 ясле төркем ачылды, алар заманча җиһазлар, уенчыклар һәм үстерү әсбаплары белән тулысынча җиһазландырылган.