Яңа уку елы алдыннан Татарстан Рубежный мәктәбенә спорт җиһазлары җибәрде

2025 елның 27 августы, чәршәмбе

Татарстанда Луганск халык республикасының шефлыкка алынган шәһәрләре - Рубежный һәм Лисичанск өчен гуманитар йөк җыеп җибәргәннәр. Бу юлы Рубежный районының 2 нче һәм 9 нчы мәктәпләре өчен спорт җиһазлары һәм инвентарьлар.

Болардан тыш төзелеш материаллары: тәрәзә рамнары, пыяла пакетлар һәм ТР Җир һәм милек мөнәсәбәтләре министрлыгы биргән җылылык радиаторлары бар.

Татарстан Республикасы вице-премьеры Фәнил Әһлиуллин, бу йөкне җибәрү республика һәм муниципалитетларның уртак эше нәтиҗәсе, дип билгеләп үтте.