Россия Федерациясе Мәгариф министры Сергей Кравцовның Белем көне белән котлавы
Кадерле дуслар! Хөрмәтле укытучылар, укучылар, студентлар һәм ата-аналар!
Сезне чын күңелдән 1 сентябрь -белем бәйрәме белән котлыйм!
Быел мәктәп бусагасын 18 миллион бала атлап керәчәк. Аларның күбесе өчен бу көн икеләтә дулкынландыргыч: төрле төбәкләрдә алты йөз илле яңартылган һәм кырык өч яңа мәктәп үз ишекләрен ачачак. Яңа уку елына 22 яңа көллият сафка басты.
Кадерле укучылар һәм студентлар! Сезнең алда - яңа дөнья, ачышлар һәм мөмкинлекләр тулы белем дөньясы. Сезнең бурыч - кыю һәм кызыксынучан тикшеренүчеләр булу. Эзләгез, фән, спорт, иҗат белән шөгыльләнегез, олимпиадаларда һәм конкурсларда катнашыгыз. Укуга җитди мөнәсәбәт һәм мавыгу - теләсә нинди ишекләрне дә ача торган ачкыч.
Барыгызга да уңышлар, ныклы дуслык, үзара хөрмәт һәм яңа үрләр телим!
Белем көне белән! Хәерле юлга!