Мәләкәс арты микрорайонында төзелә торган яңа мәктәпне ел ахырына кадәр тапшырырга планлаштыралар

2025 елның 28 августы, пәнҗешәмбе

Чаллыда, Мәләкәс арты микрорайонында, 1,2 мең урынлык заманча мәктәп төзелә. Проектны башта 2027 елда гына тапшырырга планлаштырганнар, әмма эшләр графиктан алда бара, дип хәбәр итте муниципалитетның матбугат хезмәте социаль челтәрләрнең берсендә рәсми аккаунтта.

1 сентябрьдән 39 нчы мәктәптә укучылар ике сменада белем алачак: 1 нче сыйныфтан 4 нче сыйныфка кадәр һәм 9-11 нче сыйныфлар беренче сменада, 5 нче сыйныфтан 8 нче сыйныфка кадәр - икенче сменада.

Идарә тармагында шулай ук, балалар һәм ата-аналар билгеләнгән вакытка заманча һәм уңайлы белем бирү киңлеген алсын өчен, барлык көчләрен куячаклар, дип билгеләп үттеләр.