Туган якны өйрәнү, MAХ мессенджеры, алга киткән профориентация: Татарстан мәктәпләрендә яңалыклар
Бүген яңа уку елы башлана. Мәктәп программасы берничә үзгәреш кичерәчәк. Тарих фәненә сәгатьләр саны артачак һәм туган як тарихы барлыкка киләчәк. Үзгәрешләр шулай ук җәмгыять белеме һәм һөнәри юнәлеш бирү эшенә дә кагылачак. Шул ук вакытта туган телләрне өйрәнүгә сәгатьләр саны сакланачак.
Яңа уку елыннан мәктәпләрдә җәмгыять белемен элек булган алтынчы сыйныфтан түгел, ә тугызынчы сыйныфтан өйрәнә башлаячаклар.
Укучылар үзләренең кече ватаны тарихын өйрәнә башлаячаклар.
1 сентябрьдән федераль дәүләт белем бирү стандартларына һәм программаларына үзгәрешләр кертелә. Туган телләр «Туган тел», «Россия Федерациясе Дәүләт теле» һәм «Туган әдәбият» уку предметлары кысаларында өйрәнеләчәк.
«Сәгатьләр саны элеккеге дәрәҗәдә кала», - диде Татарстан Республикасы Мәгариф һәм фән министрлыгы башлыгы Илсур Һадиуллин Иннополиста мәгариф һәм фән хезмәткәрләренең республика август киңәшмәсендә.
1 сентябрьдән барлык мәктәп чатларын Татарстанда MAX милли мессенджерына күчерү башлана. Шул ук вакытта анда "Сферум" - "Пушкин картасы", "Награда", "Переменка" сервислары чагылыш табачак.
Меңнән артык бала укыган мәктәпләр өчен 1 сентябрьдән Татарстанда педагог-психологларның өстәмә ставкаларын бирәчәкләр.