РФ Президентының Идел буе федераль округындагы Тулы вәкаләтле вәкиле Татарстан кадетлар корпусы кадетларын Белем көне белән котлады
2025 елның 1 сентябрендә Советлар Союзы Герое Гани Сафиуллин исемендәге Идел буе федераль округының Татарстан кадетлар корпусында Белем көненә багышланган тантаналы чара узды.
Чарада Татарстан Республикасы буенча Баш Федераль инспектор Виктор Демидов, сигезенче чакырылыш Россия Федерациясе Дәүләт Думасы депутаты Айдар Метшин, 5 чакырылыш Түбән Кама шәһәр Советы депутатлыгына кандидат, «Бердәм Россия» партиясенең Түбән Кама бүлеге җирле сәяси советы әгъзасы Радмир Беляев һәм башкалар катнашты.
Россия Федерациясе Президентының Идел буе федераль округындагы Тулы вәкаләтле вәкиле Игорь Комаров кушуы буенча Татарстан Республикасы буенча Баш федераль инспектор Виктор Демидов РФ Президентының Идел буе федераль округындагы Тулы вәкаләтле вәкиленең Белем көне белән котлавын укыды.
"Бүген беренче тапкыр кадет формасын кигән һәм Ватанга хезмәт итү юлына баскан һәркем өчен үзенчәлекле көн.
Россиягә акыллы, белемле һәм физик яктан алга киткән яшь кешеләр кирәк.
Сез - Ватаныбызның киләчәге, аның үсеше, чәчәк атуы һәм иминлек гаранты.
Нәкъ менә биредә, кадет корпусында, киләчәктә үз илегезнең лаеклы гражданнары булу өчен кирәкле белем һәм күнекмәләр алырсыз. Ә өлкәннәр сезгә бу эштә ярдәм итәр ", - диелә котлауда.