Казанда дәйге чорда 1 меңнән артык бала яшүсмерләр клубларында булган
Казанның меңнән артык укучысы бу җәйне шәһәрнең яшүсмерләр клубларында файдалы итеп үткәрделәр. Бу хакта эшлекле дүшәмбедә Казан шәһәре балалар һәм яшьләр эшләре комитеты рәисе Алия Заһидуллина хәбәр итте, «Подросток» берләшмәсе эшенә йомгак ясады.
Бу җәйдә «Подросток» көн саен балалар өчен кызыклы программа әзерләгән. Шәһәрнең яшүсмерләр клублары ялларсыз эшләде, бай чаралар тәкъдим итте.
"Вертолет" яшьләр үзәге шулай ук көндезге лагерьда 100 баланы кабул итте. Катнашучылар Казанның тарихын һәм мәдәниятен өйрәнделәр, шулай ук спорт һәм иҗат чараларында, мастер-классларда һәм интерактив программаларда катнаштылар.
Шәһәрнең 34 яшүсмерләр клубында июньнән августка кадәр "Притяжение" проектының биш көнлек программасын гамәлгә ашырдылар. Анда 542 бала катнашкан.