Илсур Метшин: «Көн саен туклану департаменты 180 меңгә якын укучыны ашата. Бу бик зур җаваплылык һәм йөкләнеш"
Быелгы уку елында Казанның Азык-төлек һәм социаль туклану департаменты 178 мең укучыны кайнар ризык белән тукландыруны оештыра. Бу узган уку елына караганда 4 мең укучыга күбрәк. Бу хакта бүген эшлекле дүшәмбедә оешманың генераль директоры Рима Мөхәммәтшина хәбәр итте.
Башлангыч сыйныфларда 77 мең укучы бушлай тукланачак, алар өчен менюның ике варианты каралган. Шулай ук ташламалы категориягә кергән 18,6 мең укучы бушлай тукланачак, шул исәптән махсус хәрби операциядә катнашучыларның һәм сәламәтлек мөмкинлекләре чикләнгән укучыларның балаларын да (ОВЗ).
Яңа уку елында ашауга бәяләр үзгәрешсез калды. Иртәнге яки көндезге ашау элеккечә 43 сум тора, комплекслы туклану (ике вариантта) - 63 сум. Укучылар арасында ирекле сайлау менюсы аеруча популяр, аның бәясе 89 сум тәшкил итә.