Яңа тарих дәреслекләренә өстәмә рәвештә "Укытучы һәм укучыга" платформасы эшли башлады
2025 елның 1 сентябреннән 5-7 сыйныф укучылары өчен бөтен ил буенча тарих дәреслекләренең бердәм линейкасы кертелә. Ул РФ Президенты ярдәмчесе Владимир Мединский, РФ Тышкы эшләр министрлыгының Мәскәү дәүләт халыкара мөнәсәбәтләр институты (университет) ректоры Анатолий Торкунов һәм Россия Фәннәр академиясенең Гомуми тарих институты фәнни җитәкчесе Александр Чубарьян җитәкчелегендә авторлык коллективы тарафыннан оештырылган. Укытучыларга һәм мәктәп укучыларына ярдәм итү өчен Россия хәрби-тарихи җәмгыяте (РВИО) "Укытучы һәм укучыга" проектын гамәлгә ашыра.
Укытучыларга һәм укучыларга ярдәм итү өчен «Тарих.рф» федераль порталында «Укытучы һәм укучыга» бүлеге төзелде. Ул укытучылар соравы буенча формалаштырылган һәм өстәмә материалларның электрон каталогын тәшкил итә. Анда 30 меңнән артык мәкалә, лекция, видео- һәм аудиоматериал, тикшерү тестлары һәм башка файдалы мәгълүмат тәкъдим ителгән, ул федераль дәүләт белем бирү стандартларын исәпкә алып, дәреслекләрнең бүлек һәм параграфлары буенча структуралаштырылган.
2025/26 уку елында дәреслекләрнең 516 параграфының һәркайсы өчен бердәм презентацияләр, ә алга таба видеоконтент белән тулыландырылачак. Җиде минутлык видеороликларны укучыларга дәрестә тәкъдим итәргә мөмкин булачак, ә күпкә тулырак һәм дәвамлырак роликларны өйдә мөстәкыйль карарга мөмкин.