Чаллы "Кванториум"ы Беларусиянең биш шәһәренә киләчәк

2025 елның 16 сентябре, сишәмбе

22 сентябрьдә "Яшьләр һәм балалар" илкүләм  проекты кысаларында Минск дәүләт балалар һәм яшьләр сараенда "Мобильный технопарк" технологик мастер-классларның масштаблы марафоны башланачак.

Техно-марафонны Россотрудничество ярдәме белән Яр Чаллыдан "Кванториум" балалар технопаркы командасы үткәрә. 80 белем бирү чарасы тагын дүрт шәһәрдә: Витебск, Гомел, Брест һәм Гродно шәһәрләрендә узачак. Чаллы укытучылары  анда барлыгы 1200  бала өчен мастер-класслар үткәрәчәк.