Татарстаннан килгән балалар «Вернуть детство» фестивалендә үзләренең талантларын һәм спортта уңышларын күрсәтәләр
Уфада ятим һәм ата-ана тәрбиясеннән мәхрүм калган балалар өчен оешмаларда тәрбияләнүчеләр арасында уза торган Идел буе федераль округының «Вернуть детство» округ фестивале финалы дәвам итә.
Безнең балалар баскетбол, волейбол, мини-футбол буенча ярышларда үзләренең физик әзерлекләрен һәм команда рухын күрсәттеләр. Футбол буенча Татарстан командасы чирек финалга, волейбол буенча ярымфиналга узды. Бүген безне фестивальнең хуҗалары белән мөһим уен көтә.
"Мастерок" конкурсында балалар йортларында тәрбияләнүчеләрнең иң яхшы эшләре сайлап алынды. «Ума палата» уены финалында малайлар һәм кызлар үзләренең интеллектуаль сәләтләрен күрсәттеләр.
Татарстан Республикасы җыелма командасына Әлмәт, Лениногорск, Чистай, Алабуга, Идел буе, Нурлат, Лаеш балалар йортларыннан 32 бала керде. Алар республикада марттан алып майга кадәр үткәрелгән фестивальнең төбәк этабында җиңүчеләр.