Татарстанда мигрантлар балаларына мәктәптә җайлашырга ярдәм итәләр
ТР мәктәпләрендә мигрант балаларын җайлаштыру өчен инде берничә ел диагностик чаралар һәм рус телен белү дәрәҗәсен ачыклау буенча индивидуаль эш алып барыла. Быелдан мәктәпкә кергәндә рус телен белү мәҗбүри булды. Бу хакта тулырак "Татар-информ" материалында.
Балаларының 82 проценты рус теле буенча тестны уңышлы тапшырган.
Апрельдән Россиянең барлык төбәкләрендә мәгариф турындагы федераль канундагы үзгәрешләр гамәлгә керде. Төзәтмәләр нигезендә, хәзер мигрант балаларын мәктәпләргә рус телен белү нәтиҗәләре буенча кабул итәләр. Шулай ук, аларның Россия территориясендә булуның законлылыгын раслый торган документларны да тапшырырга кирәк.
Рус теленә тизләтелгән өйрәтү республиканың 54 мәктәбендә алып барыла
Тест узмаган балалар аны кабат өч айдан уза ала. Татарстанда аларга рус телен өйрәнү өчен барлык шартлар да тудырылган. Аерым алганда, өстәмә курслар оештырылган, дип билгеләде Мөҗипов. Мигрантлар балалары укыган Татарстан мәктәпләрендә үзләренең методик эшләнмәләре һәм социаль адаптация механизмнары бар. Барысы да чит ил укучыларының санына, аларның яшенә һәм рус телен белү дәрәҗәсенә бәйле, дип сөйләде мәгариф һәм фән министры урынбасары. Программа үзенең нәтиҗәлелеген күрсәтте - балалар рус телен уңышлы үзләштерә, диде ул.
Моннан тыш, уку елы дәвамында чит ил балалары барлык укучылар белән беррәттән мәктәп, муниципаль һәм республика чараларына актив җәлеп ителә. Шул ук вакытта педагоглар мәктәп укучылары белән генә түгел, аларның әти-әниләре белән дә эшлиләр. Бу эш баланы тәрбияләү, профориентация, мәктәптән тыш мәшгульлек, уртак чараларда катнашу буенча шәхси консультацияләрне үз эченә ала.