«Россия ел укытучысы» Бөтенроссия һөнәри конкурсының йомгаклау этабы башланды
Санкт-Петербургта 20 сентябрьдә «Россия ел укытучысы» Бөтенроссия һөнәри конкурсының йомгаклау этабына старт бирелде. Конкурс сынауларында лауреат исеме өчен 89 финалист көрәшәчәк. Ярышлар узган елгы конкурс җиңүчесе Леонид Дедюха яши һәм эшли торган шәһәрдә узачак.
Ачылу тантанасында Россия Федерациясе Мәгариф министры урынбасары Ирина Шварцман катнашты.
Ярышларның йомгаклау этабында катнашучыларга календарь-тематик планлаштыру һәм эш программасы нигезендә уку предметы буенча дәрес үткәрергә кирәк булачак. Аларга укыту-тәрбия процессын оештыруның төп формасы буларак дәресләрне әзерләү, уздыру һәм анализлау өлкәсендәге күнекмәләрне күрсәтергә кирәк.
"Педагогик интервью" исеме астындагы икенче конкурс сынавы финалистларның мәгарифнең актуаль темаларына "сорау - җавап" форматында ачык әңгәмәсен үз эченә ала.
Дүрт конкурста җиңүчеләрне бүләкләү тантанасы 3 октябрьдә Мәскәүдә -Дәүләт Кремль сараенда узачак.
«Россиянең ел укытучысы» конкурсын оештыручы - РФ Мәгариф министрлыгы, операторы РФ Мәгариф министрлыгының агарту инициативалары үзәге.