Татарстанның өстәмә белем бирүдәге яңа бурычлары
«Вертолет» яшьләр үзәге базасында балаларга өстәмә белем бирүнең төбәк системасын үстерүнең өстенлекле юнәлешләренә багышланган Татарстан Республикасы өстәмә белем бирү оешмалары директорларының киңәшмәсе булды.
Киңәшмәдә Татарстан Республикасының 43 муниципаль берәмлегеннән 136 директор һәм өстәмә белем бирү оешмалары директорлары урынбасарлары катнашты.
Киңәшмә барышында төбәккә өстәмә белем бирү системасын үстерүнең төп мәсьәләләре каралды:
2030 елга кадәр өстәмә белем бирүнең төп бурычлары һәм трендлары;
«Яшьләр һәм балалар» Федераль проекты күрсәткечләрен гамәлгә ашыру;
балаларга өстәмә белем бирү системасында яңа таләпләрне һәм заманча тенденцияләрне исәпкә алып, чараларны гамәлгә ашыру системасы;
өстәмә белем бирү муниципаль оешмалары эшчәнлегенең нәтиҗәлелегенә мониторинг ясау;
республика мәктәптән тыш эш үзәгенең яңа проектлары һәм чаралары;
өстәмә белем бирү оешмаларының «Талантлар университеты 2.0» белән хезмәттәшлеге;
өстәмә белем бирү оешмаларында «Движение Первых» балалар һәм яшьләр гомумроссия иҗтимагый-дәүләт хәрәкәтенең беренчел бүлекләрен ачу.
Чара азагында 2024-2025 уку елы йомгаклары буенча рәхмәт хатлары белән бүләкләү тантанасы булды.