Югары уку йортлары ялган "тикшерүләр" белән алдауның яңа дулкыны белән очрашкан

2025 елның 29 сентябре, дүшәмбе

Соңгы көннәрдә университетлар, укытучылар һәм студентларга карата мошенник схемаларының яңа дулкыны теркәлгән. Бу хакта Федерация Советының конституцион законнар һәм дәүләт төзелеше комитеты рәисенең беренче урынбасары Артем Шейкин хәбәр итте.

Җинаятьчеләр "планнан тыш тикшерү" үткәрү турында югары уку йортларының реаль реквизитларын күрсәтеп, рәсми документ итеп теркәп ялган карарлар җибәрәләр. Ышанычлы булсын өчен өстәмә алымнар да кулланалар.

Документлар ышандырырлык: аларда дәүләт гербы, мөһер, имзалар, шулай ук президент указларына һәм хөкүмәт карарларына сылтамалар бар.

Шул ук вакытта, сенатор ассызыклаганча, имзалар, мөһер һәм рәсми кәгазьләрне имитацияләү өчен ясалма интеллект актив кулланыла.