Курган өлкәсендә татар телен үстерү буенча семинар-киңәшмә узды
24-26 сентябрьдә Татарстан Республикасы Мәгариф һәм фән министрлыгы, муниципаль округлар башлыклары һәм Курган төбәге "Татары Зауралья" иҗтимагый оешмасы ярдәмендә, Курган өлкәсендә белем бирү эчтәлегенең этномәдәни компоненты булган мәгариф оешмалары җитәкчеләре һәм укытучылары өчен семинар-киңәшмә узды.
Делегация составында:
Мусина Гөлия - Татарстан Республикасы Мәгариф һәм фән министрлыгының милли мәгариф идарәсенең төбәкара хезмәттәшлек секторы мөдире; Фәтхуллова Кадрия - Казан федераль университетының Филология һәм мәдәниятара багланышлар институтының гомуми тел белеме һәм тюркология кафедрас доценты;
Сәлахова Роза - Татарстан Республикасы Яшел Үзән районы Башкарма комитетының Мәгариф идарәсенең милли белем бирү методисты.
Хәлиуллина Мәдинә - Татарстан Республикасы Яшел Үзән районының «3 нче Васильево урта гомуми белем бирү мәктәбе» муниципаль бюджет гомуми белем бирү учреждениесе директоры.
Өлкәдә татар иҗтимагый оешмалары җитәкчеләре һәм активистлары составындагы делегация Әлмән, Сафакүл һәм Шадрин мәктәпләрендә булды. Семинар барышында алар мәктәп музейларында, декоратив-гамәли иҗат күргәзмәләрендә, ачык һәм дәрестән тыш дәресләрдә булды, шулай ук кунакларның игътибарына округлар мәдәният бүлекләренең фольклор коллективларыннан килгән иҗади номерлар тәкъдим ителде. Очрашу түгәрәк өстәл белән дәвам итте, анда Курган өлкәсендә туган татар телен өйрәнүгә бәйле мәсьәләләр турында фикер алыштылар.
ТР Мәгариф һәм фән министрлыгы тарафыннан мәктәпләргә дәреслекләр һәм методик ярдәмлекләр, нәфис әдәбият, балалар милли киемнәре тапшырылды.