Зур укытучылар атналыгы чаралары башланды
29 сентябрьдән 5 октябрьгә кадәр узачак Зур укытучылар атнасы Россия Федерациясенең барлык төбәкләреннән педагог хезмәткәрләрне берләштерәчәк. 2025 елда чараларның гомуми темасы - «Каждый учитель – защитник!». Көн саен укытучылар үз эшләрендә батырлык һәм фидакарьлек күрсәтә, катлаулы хәлләрдә балаларга ярдәм итә, аларда ихтирам һәм игелек тәрбияли.
Зур укытучылар атналыгы барышында, шул исәптән Урта һөнәри белем бирү һәм Халыкара укытучылар көннәренә багышланган бәйрәм концерты узачак. Шулай ук мәгариф өлкәсендә «Россиянең ел укытучысы», «Беренче укытучы», «Россиянең ел тәрбиячесе», «Ел директоры», «Россиянең ел мастеры», «Россиянең педагог-психологы» Бөтенроссия конкурсларына йомгак ясалачак. Моннан тыш, бу көннәрдә «Россия укытучысы-дефектологы» Бөтенроссия һөнәри осталык конкурсы һәм «Кеше тәрбияләргә» Бөтенроссия педагогик хезмәткәрләр конкурсы чаралары уздырыла.
Россиянең барлык төбәкләрендә мәгариф өлкәсендәге белгечләр өчен семинарлар, түгәрәк өстәлләр һәм мастер-класслар узачак, алар квалификацияләр күтәрүгә һәм тәҗрибә уртаклашуга юнәлдерелгән.