«Мастер года - 2025» Бөтенроссия конкурсында Татартсанны Казан педагогика көллияте укытучысы Эльмира Ульянова тәкъдим итә
29 сентябрьдә Курскида «Ел остасы» урта һөнәри белем бирү системасының педагогик хезмәткәрләре арасында Бөтенроссия конкурсы финалын ачу тантанасы булды. Иң яхшы исем өчен бәйгедә 89 катнашучы ярышачак - һәр төбәктән берәү. Татарстан Республикасын төбәк этабында җиңүче - Казан педагогика көллияте укытучысы Эльмира Ульянова тәкъдим итә.
Конкурста катнашучыларны РФ мәгариф министры Сергей Кравцов һәм Курск өлкәсе губернаторы Александр Хинштейн сәламләде.
Финалистлар «Белем бирү кейслары конкурсы» һәм «Ачык дәрес» дигән ике сынауда катнашачаклар.
Конкурсның ун призерының исеме 30 сентябрьдә игълан ителәчәк һәм алар өчен 1 октябрьдә «Влюбить в профессию» дигән йомгаклау конкурсы узачак.
Конкурсны оештыручылар - Россия Федерациясе Мәгариф министрлыгы һәм Бөтенроссия мәгариф һөнәр берлеге. Федераль оператор - Һөнәри белем бирүне үстерү институты.