Казанның 3нче гимназиясендә махсус операция геройлары истәлеген мәңгеләштерделәр
Казанның 3 нче гимназиясендә махсус хәрби операциядә һәлак булучылар истәлегенә ике "герой партасы" ачылды. “Бердәм Россия” партиясе вәкилләре һәм “Бердәм Россия Яшь гвардиясе” активистлары артиллерия расчеты командиры Андрей Кондаков һәм ефрейтор Рөстәм Галиев истәлеген мәңгеләштерделәр.
Мондый парта артында лаеклы укучылар, активистлар һәм отличниклар гына утырачак дип ниятләнә.
Чарада “Бердәм Россия” Татарстан төбәк бүлекчәсе секретаре урынбасары һәм ТР Дәүләт Советының Социаль сәясәт комитеты рәисе урынбасары Ольга Воронова, ТР Дәүләт Советы депутаты һәм МГЕР төбәк штабы җитәкчесе Руслан Шиһабетдинов, Казан шәһәренең Балалар һәм яшьләр эшләре комитеты рәисе Алия Заһидуллина һәм башка рәсми затлар катнашты.
Һәлак булган сугышчыларны бер минутлык тынлык белән искә алдылар.
"Герой партасында" һәлак булган хәрбинең фотосурәте, аның биографиясе, сугышчан юллары язылган.