Татарстанда укучыларны технологик эшкуарлыкка өйрәтәчәкләр
2025 елның 1 октябрендә Татарстан мәктәпләрендә «Мәктәп бизнес-старты» республика программасы буенча укулар яңадан башланды. Яңа уку елында проект 11 меңнән артык баланы җыячак һәм урта мәктәптә эшкуарлыкны өйрәнүгә нигез салуны дәвам итәчәк.
Исегезгә төшерәбез, Татарстанда дүртенче ел «Мәктәп бизнес-старты» масштаблы республика программасы тормышка ашырыла. Аны оештыручылар Татарстан Республикасының Мәгариф һәм фән министрлыгы, Татарстан Республикасының Эшкуарлыкка ярдәм фондының «Нәтиҗәле һәм конкурентлы икътисад» илкүләм проекты кысаларында «Мой бизнес» үзәге ярдәмендә Татарстан Республикасы Икътисад министрлыгы.
2025 елда проект 71 мәктәпне колачлаячак. Алар арасында: Казанның 14 мәктәбе (3 меңнән артык укучы укыячак), Чаллыдан 8 белем бирү учреждениесе, шулай ук республиканың 17 районыннан 49 мәктәп: Яшел Үзән , Теләче, Кама Тамагы, Саба, Апас, Кукмара, Буа, Кайбыч, Чистай, Әлки, Алексеевск, Түбән Кама, Алабуга, Менделеевск, Әлмәт, Минзәлә, Зәй, Сарман, Тәтеш, Тукай, Бөгелмә һәм Нурлат районнары.