Сыйныф җитәкчеләре форумында мәктәп мәгариф системасын үстерүнең актуаль мәсьәләләре турында фикер алыштылар
Мәскәүдә "Россия" Милли үзәгендә "СОЛОВЬЕВ LIVE" ток-шоу форматында укытучылар, ата-аналар һәм укучыларны кызыксындырган мәсьәләләр турында фикер алышу булды. Экспертлар 2025 елның 1 сентябреннән үз көченә кергән үзебезнең мәгариф системасы үсешен һәм яңалыкларны шәрехләделәр. Чара сыйныф җитәкчеләренең V Форумы кысаларында узды. Анда РФ Мәгариф министры урынбасары Ольга Колударова катнашты.
Россия Мәгариф министрлыгы башлыгы урынбасары ассызыклаганча, 2025/26 уку елыннан ведомство боерыгы белән өй биремен үтәүнең дәвамлылыгы нормасы билгеләнгән, ул көненә бер сәгатьтән өч сәгать ярымны тәшкил итә.
Моннан тыш, Ольга Колударова искәрткәнчә, илнең алты төбәгендә бүген укучыларның тәрҗибен бәяләү системасы апробация уза.
Чарада шулай ук Дәүләт Думасының мәгариф комитеты рәисенең беренче урынбасары Алена Аршинова да катнашты. Ул илебезнең мәгариф системасы казанышларына тукталды һәм инфраструктураны яңартуга басым ясады.