Казанның 6 мәктәбендә СИБУРның профильле сыйныфларын ачтылар

2025 елның 3 октябре, җомга

Татарстан башкаласының алты гомуми белем бирү учреждениесендә СИБУРның профильле сыйныфлары ачылды. Бу 183 нче лицейда һәм 64, 81, 130, 135, 181 нче мәктәпләрдә.

Өлкән сыйныф укучылары химия, физика һәм математиканы тирәнтен өйрәнәләр. Аларны бердәм дәүләт имтиханына әйдәп баручы югары уку йортлары укытучылары әзерләячәк, шул исәптән МДУ профессорлары да. Балалар нефть химиясе предприятиеләре белән таныша һәм СИБУР профильле сменаларында һәм программаларында катнаша алачак.

Моннан тыш, профильле сыйныфны тәмамлаучылар университетка кергәндә максатчан юллама алырга мөмкин.