Дмитрий Чернышенко һәм Сергей Кравцов өстәмә белем бирү укытучыларын һөнәри бәйрәмнәре белән котлады
8 октябрьдә Россиядә өстәмә белем бирү хезмәткәрләре көне билгеләп үтелә. Түгәрәк һәм секцияләр җитәкчеләрен, иҗат студияләре педагогларын, спорт клублары тренерларын, педагог-оештыручыларны һәм методистларны Россия Хөкүмәте Рәисе урынбасары Дмитрий Чернышенко һәм РФ мәгариф министры Сергей Кравцов котлады.
"Яшьләр һәм балалар» илкүләм проекты ярдәмендә Россиядә өстәмә белем алу өчен киң мөмкинлекләр тудырылган. Түгәрәкләрдә һәм секцияләрдә 17 миллионнан артык бала һәм яшүсмер шөгыльләнә. Педагоглар җитәкчелегендә алар үзләренең мөмкинлекләрен тормышка ашыралар, талантларын үстерәләр һәм традицион рухи-әхлакый кыйммәтләрне сеңдерәләр. Балаларыбызның киләчәгенә керткән өлешләре өчен өстәмә белем бирү хезмәткәрләренә рәхмәт! Ныклы сәламәтлек, яңа идеяләр һәм һөнәри уңышлар телим!" - дип белдерде вице-премьер Дмитрий Чернышенко.
Россия Мәгариф министрлыгы башлыгы Сергей Кравцов билгеләп үткәнчә, бүген 5-18 яшьлек һәр бала өчен өчтәмә белм алу мөмкинлеге бар.