Татарстанның ата-аналар советы Чабаксарда күчмә киңәшмә уздырды
18 октябрьдә Татарстан Республикасы Мәгариф һәм фән министрлыгы каршындагы ата-аналар советының күчмә киңәшмәсе булды, ул Чувашия Республикасы башкаласы Чабаксарда узды.
Чара яшь буынны тәрбияләүдә һәм үстерүдә актуаль юнәлешләр турында фикер алышу, тәҗрибә уртаклашу һәм яңа уртак проектлар билгеләү өчен актив ата-аналарны, педагогларны һәм мәгариф системасы партнерларын җыйды.
Киңәшмә программасы бай һәм күптөрле иде. Анда эшлекле өлеш, иҗади активлык һәм мәдәни программа кушылган.
Сәфәрнең төп максаты - "Туризм. Гаилә яллары» юнәлешләре, Татарстан районнары арасында тәҗрибә уртаклашу һәм балалар тәрбияләү һәм аларга белем бирү өлкәсендә партнерлык элемтәләрен ныгыту.
Чараны "Гаилә чемоданы" туроператоры ярдәмендә Чистай районының ата-аналар советы рәисе һәм ата-аналар җәмәгатьчелеге лидеры Гүзәл Шакирова оештырды.