Татарстанда «Профессионалитет» федераль проектының Бердәм ачык ишекләр көне узды

2025 елның 21 октябре, сишәмбе

18 октябрьдә Татарстан Республикасының барлык 18 кластерында «Яшьләр һәм балалар» илкүләм проектына керә торган «Профессионалитет» федераль проекты кысаларында ачык ишекләрнең Бердәм көне узды. Чара Россия Мәгариф министрлыгы йөкләмәсе буенча һөнәри белем бирүне үстерү институты тарафыннан оештырылды.

Чараның программасы бай һәм төрле иде. Булачак абитуриентлар һәм аларның ата-аналары заманча һөнәри белем бирү системасы белән танышу, эшкә урнашу перспективалары һәм «Профессионалитет» программасы буенча укытуның өстенлекләре турында белү өчен уникаль мөмкинлек алды.

Укучылар һәм аларның әти-әниләре әзерлек юнәлешләре турында белүдән тыш, программа укытучылары, студентлар-амбассадорлары, эш бирүчеләр вәкилләре белән шәхсән аралаша алдылар.