Казанның яшь армиячеләре Татарстанны "Ворошилов укчысы" Бөтенроссия фестивалендә тәкъдим итә

2025 елның 21 октябре, сишәмбе

2025 елның 13 октябреннән 26 октябренә кадәр «Смена» Бөтенроссия балалар үзәгендә (Анапа шәһәре, Сукко авылы) «Ворошилов укчысы» Бөтенроссия фестиваленең финал этабы уза. Оештыручылар - Россия Федерациясе Мәгариф министрлыгы ярдәмендә Россия ДОСААФы.

Финалда катнашу өчен 14-15 яшьлек иң яхшы мәктәп укучылары килде – алар бөтен илдән төбәк сайлап алуларында җиңүчеләр. Безнең республика данын Казан шәһәре Совет районының «161 нче рус-татар урта гомуми белем бирү мәктәбе» муниципаль бюджет гомуми белем бирү учреждениесенең яшь армиячеләре Клянин Станислав һәм Ильина Аделина яклый.